كلام بجد
***
كان نفسي اقول كلام بجدْ
كنت ابقى واد جامد وسدْ
خايف اقول يسمعني حَدْ
ويروح يقول الكلمتين
ويزيد عليهم حبِّتين
القاني بعد ما كنت بيه
بصرخ واقول يا ناس يا هُوه
آسف بجدْ ..
يا ريت ما قلت فْ. يوم لِحَدْ !!
***
كان نفسي اقول كلام كبير
لو حتَّى اموت او اكون أسير
يظلمني اخويا مُش مهم
بس الأهم
أصبر واقول الكلمتين
يمكن يِِهِِدُّوا الدُّنيا هَدْ
قالوا يا واد اعمل أسد
تُأمر تلاقي الكلِّ هُس
واللي هَينطق ينخرس
أعمل أسدْ !!
والله عمري ما. اكون أسدْ
عايْزِنِّي اعيش الدُّور وبس !!
يعني ارمي نفسي فْ. حيطه سدْ
واروح اقول الكلمتين
ويزيدوا فيهم حبِّتين
القاني بعد ما كنت بيه
بصرخ واقول يا ناس يا هُوه
آسف بجد ..
يا ريت ما قلت فْ. يوم لحد !!
***
أحلى الكلام .. لِيَّ السُّكات
أفضل سليم .. حتَّى الممات
يا سيدِي طب حِمْلَكْ بَقَى
ضرب القفا مش دا الشَّقا
لو.ع. القفا
أصبر وادندن بالبكا ..
بس الأذيَّه المِدَّرِيَّه .. الفبركه
عارف السِّيناريو الفبركه
تعظيم سلام للفبركه ..
خايف اقول يسمعني حَدْ
ويروح يقول الكلمتين
ويزيد عليهم حبِّتين
القاني بعد ما كنت بيه
بصرخ واقول يا ناس يا هُوه
آسف بجد
يا ريت ما قلت فْ. يوم لحد !!.
***
محمد محمد على جنيدي
عنوان 9 شارع مصطفى كامل متفرع من شارع الجمهورية / بني سويف
جمهورية مصر العربية
ت منزل وفاكس 002082231602 ----- ت محمول 0020105785807