يا ظريف الطول

[د.عبدالرحمن أقرع]

ويا ظَريف الطول بتمشي عالوطاةْ=والشبكِة أبطأ مِن مَشي السلحفاةِ
خايف هالأعضاء يهِجو في الفَلاة= وِنْظَلْ مَع بَرهومُ وْ عيسى وَحدِنا

[عيسى عدوي]

يا ظريف الطول ودور على سكيك = قاعد في دبي ومش سايل عليك
وإن ظل المنتدى عامل هيك وهيك = لنسكر لبواب ..ونرحل من هنا

...

[د.عبدالرحمن أقرع]

يا ظريف الطول والله بِدها ظراب***واستنكاف وإعتصام وإنقِلابْ
خافوا ألله في المنتدى يا شباب*** إللي غايب واللي مطنِش حالِنا

[د.عبدالرحمن أقرع]

ويا ظريف الطول حُطِّ لي حَظِرْ*** أحسَن لا أموت مِن زودِ القَهِر
وهاللوحة لِ جديدِةْ أَعمَت لي البَصَرْ***وخايف لا نِعمى وتصيروا تقودونا

[عيسى عدوي]

اللوحة بتقول ولا زمها تعديل = خماستعشر بند مستني التبديل
والله ما بعرف لليش التعطيل = لا بد النجار يصلح بابنا

[د.عبدالرحمن أقرع]

نادي عَ النجارْ وْنادي عَ الحَدادْ= ودقدِق عَ بوابِ المُديرِ بْيِكْفي عادْ
ما يليقْ بأقلام إلا ثوابِ جْدادْ= شو دَخَلِ العروس ببالي ثوابِنا

[عبد الرحمن أبو شندي]

يا زريف الطول=يا ابو عيون السود
يا حامل رشاش =ومحزم ببارود
يلا ياخوي يلا=بالروح نجود
لاغلى الاوطان=تيعود الهنا

[عبد الرحمن أبو شندي]

غابت الزريف من بين الصفحات=ورجعت يا اخوان تحط هالكلمات
يلا يا شباب نرجع هاللي فات=ونرجع للزريف ونغني الميجنا

[سمر محمد عيد]

ياظريف الطول يابو عيون وساع
ياخفيف الروح حوّل يمّنا
ياحامل العطور هات القناني
لنعطر فيها أحلى شامنا