مطبخ عـُلا

[عُلا الياس]

المشاركة الأصلية كتبت بواسطة سهام العليوي

الله عليك يا أستاذة علا الياس ( أجيت على الريحة يا مبدعة )
ممكن سؤال يا توب شيف نبر ون بدي أعرف كمية الماي اللي بنضيفها على الرز حتى يستوي
بدي القياس مزبوط حتى ما يكون الرز لين كتير !

لأن بحب أتذوق كثير أكثر من الطبيخ بس والله عند (نفس بالطبخ ) بس انت لا يعلى عليك يا علا ومنك بنستفيد .. ونفسك بالطبيخ بيشهي ويحكي مافينا نقاومك وشهر رمضان على الأبواب وكل عام وانت بخير ..
بدي كمان حلويات كيف بتعمليهون بس خليهن بمتصفح لحالووو .. بلييييييز .

تسلمي يا استاذه سهام كلك لطف احرجتيني ، طبيخي زاكي ..صح !
لكن مو شيف وتوب التوب ، يا دوب
وأكيد نفسك بالطبخ بتجنن صحه وعافية
الرز بيختلف حسب نوعه
إن كان البنجابي ، كاسة رز بدها بالزبط :
عشر دقائق الى ربع ساعه نقع بماء ساخن من الحنفيه وليس مغلي
ثم على الغاز : كمية سمن او زيت مناسبة + ملح + شوية هيل مطحون + كاستين ماء وربع
تترك ع النار العاليه تغلي
ثم ما ان يشرب الرز الماء قليلا .. ينقل على نار هادئة
أما الأرز المصري .. فهذا الف نوع وايضا يختلف حسبها
ولكن مثلا الصنوايت ، تماما متل البنجابي
يجب للسلامه : اعتماد نوع رز معين والتجربه ثم اعتماد طريقة بعد أكم اخفاق
ـــــــــــــــــــــ
ان شاء الله كل شيء جديد بعمله بدرجه هون حتى حلويات
لأني ما بعمل كتير حلويات
لكن ان عملت بدرجهم هون ، موضوع خاص فيهم صعبه لانهم أنواع متواضعه
ـــــــــــــــــــــ
شكرا لمرورك استاذه سهام نورتِ
وممتنة للإطراء

[سهام العليوي]

المشاركة الأصلية كتبت بواسطة عُلا الياس

تسلمي يا استاذه سهام كلك لطف احرجتيني ، طبيخي زاكي ..صح !
لكن مو شيف وتوب التوب ، يا دوب
وأكيد نفسك بالطبخ بتجنن صحه وعافية
الرز بيختلف حسب نوعه
إن كان البنجابي ، كاسة رز بدها بالزبط :
عشر دقائق الى ربع ساعه نقع بماء ساخن من الحنفيه وليس مغلي
ثم على الغاز : كمية سمن او زيت مناسبة + ملح + شوية هيل مطحون + كاستين ماء وربع
تترك ع النار العاليه تغلي
ثم ما ان يشرب الرز الماء قليلا .. ينقل على نار هادئة
أما الأرز المصري .. فهذا الف نوع وايضا يختلف حسبها
ولكن مثلا الصنوايت ، تماما متل البنجابي
يجب للسلامه : اعتماد نوع رز معين والتجربه ثم اعتماد طريقة بعد أكم اخفاق
ـــــــــــــــــــــ
ان شاء الله كل شيء جديد بعمله بدرجه هون حتى حلويات
لأني ما بعمل كتير حلويات
لكن ان عملت بدرجهم هون ، موضوع خاص فيهم صعبه لانهم أنواع متواضعه
ـــــــــــــــــــــ
شكرا لمرورك استاذه سهام نورتِ
وممتنة للإطراء

حبيبة قلبي أنت بالعكس أنا استفدت كثير تصوري من زمان بسمع عن المنسف والبرك وكبة باللبن قصص لذيذه وشهيه مع أن جدتي الثانيه سورية من دمشق بس ماعمري ذقت هاي الطبخات الشامية الحلوة والدسمة .. منها .

أحنا بالعراق مشهورين بكبة الرز والكباب وتمن باقلة مع شبنت لذيذ وبعد وجبة لذيذة كثير أسمها ( القيمة ) راح اضع لك مقاديرها وكمان كم طبخة عراقيه بس أنشغلت بالمطبخ لأني مثل النمل أعمل قبل حلول رمضان بأسبوعين الكبه وأضعها بالفريزر وكمان أعمل عصير ليمون بنسميه الجميد ومخلل الليمون كمان وأضعهم بالفريزر .ز وكل المقالي بعنلهم قبل وقت واضعهم بالفريزر حتى السمبوسة .. وزنود الست أضعهم بالثلاجه .. وهيك حتى يضل وقتي بشهر رمضان عباده وراحه وأعمل أطباق على مرام الخاطر ..
المطبخ مزاج فن وذوق ومن وراك راح أحب المطبخ حبي علا .. فديت روحك الحلوة ..
مرسي كتير وأن شاء الله أنا من ضيوفك كل يوم ..

[مديحة علي]

ما شاء الله تبارك الرحمن
يسلموا ايديك ست علا اكلات لذيذة
ان شاء الله نشوف اكلات رمضانية

[عُلا الياس]

المشاركة الأصلية كتبت بواسطة مديحة علي

ما شاء الله تبارك الرحمن
يسلموا ايديك ست علا اكلات لذيذة
ان شاء الله نشوف اكلات رمضانية

يبارك فيكِ اختي مديحة حياكِ الله
يسلمك ويرضى عنك اشكر لطفك
ان شاء الله ان استطعت ما حتأخر
مساء الطيبة والاحترام

[اكرام كوثري]

رمضان مبارك على كل المسلمين وانا بدورى انقل لكم حلوى رمضانية المسمات بالشبكية وتقدم مع الحريرة او الشوربة الرمضانية هلا وكل رمضان وانتن بالف خير

[عُلا الياس]

شكرا سهام ، وشكرا اكرام
.

.
بناء على طلب رافعين المعنويات
ندرج طريقة عمل هالكيكة :
مكوناتها :
كاستين طحين
كاسه سكر
ثلثين الكوب سمنه
ملعقة كبيرة بكينغ باودر
ملعقة كبيرة فانيلا
كربونات الصوديوم طرف الملعقة
كاسة حليب سائل
اربع بيضات
~~~~~
الطريقة :
توضع السوائل كلها بالخلاط + السكر
تخلط جيدا
ثم تضاف باقي المكونات تخلط جيدا كمان مرة
،
دهن القالب بالسمن
وضع طبقة من الكيك بقاع القالب
ثم اختيار اي نوع من معلبات الفواكه المشكلة
( هون black berries ) فوق هذه الطبقة
بالملعقة تنزيل شوي شوي كمية مو كتيرة
ثم باقي الكيك
توضع بفرن درجة حراته 180 ، لمدة 45 دقيقة او حتى تنشف تماما
للتزين نفس نوع الفاكهة او شوكولاته اللي موجود وبينحب ،
بلكي مربى .. عسل مش مشكلة
وصحتين وعافية

[سلمى رشيد]

يسلمو دياتها علا
خلص إن شاء الله بعمل الكيكة وبحكيلك عنها .. البلو بيري طيب في الكيك وخاصة عالتشيز كيك ، بس اول مرة يا علا رح احط فاكهة مش مجففة داخل الكيك ..
اكيد رح تطلع طيبة ..
يسلمو شيف علا

[عُلا الياس]

المشاركة الأصلية كتبت بواسطة سلمى رشيد

يسلمو دياتها علا
خلص إن شاء الله بعمل الكيكة وبحكيلك عنها .. البلو بيري طيب في الكيك وخاصة عالتشيز كيك ، بس اول مرة يا علا رح احط فاكهة مش مجففة داخل الكيك ..
اكيد رح تطلع طيبة ..
يسلمو شيف علا

يسلم البك يا طيبة ويبارك فيكِ

ع فكره دائما بحط فواكه مش مجففه المعلبه هاي اللي بكون عليها متل مي .. شوفي هاي اناناس متلا مزينه وبألبها برضو شئفات ئطعتهم عملتها مره زمان ، بتزبط عادي وزاكيه بجد ، مو بس هالتوت يعني

،

فجربيها طيبه بجد وللزغار بكيفو عليها ،

سبحان الله يا سلمى .. والله من مبارح كاتبه لأبو العيال اغراض للبيت يعني

حطيت فيهم أغراض التشيز كيك !! سبحان الله هيهم بالتلاجه بدي اعملها ناويه اليوم من مبارح !!!!
خلص حصورها وئرجيكِ ياها إن شاء الله
~~~
من فتره مشتهيه ئوانص الدجاج اللي بينئرشو
مو الكبد والئلوب وهالؤصص بحبهاش
اعملتهم اولت مبارح سحور وهاي الطريئة ببساطتها
ــــ

قوانص الدجاج ، مع الزيت والبصل

،

المقادير :
قوانص دجاج
بصل
توم ، فلفل حار وبارد
( هدول باستمرار بحطهم بالأكل ، عندي اطيب من البهارات )
ملح وبهار
حبة بندورة
زيت زيتون
خل ، ليمون
،

اول شي بنضف الئوانص بالسكين بنشيل الاصفرات والابيض اللي عليها بيكون
بعدين بنفرمها بالحجم المرغوب
بعدين بنغسل بالمي وبننئع بليمون وخل
بعدين بنغسلهم وبنتركهم يتنشفو
،

بنفرم البصل وبنئلبو بالزيت
ثم التوم .. ثم الفلفلات
ثم بنملح وبنبهر وبنحط الئوانص
ئبل يستوي بنحط البندورة
بتتنشف
وهاي هي !
صحتين طيبه

[مديحة علي]

عزيزتي علا
يسلموا ايديك اطباق لذيذة
سررت جدا بالمرور عليها
اليكم هذا الطبق

«فتة المكدوس»..أكلة شعبية سورية شهية







تسود بين معظم الناس في سوريا بعض العادات الخاصة بتناول الطعام في رمضان، حيث تتحول الوجبات الثلاث إلى وجبتين رئيسيتين هما الإفطار والسحور، وتتميز كل فترة منهما بأكلات خاصة بها، ففي فترة السحور تتشابه وجبة السحور في رمضان مع الفطور أو العشاء في الأيام العادية، مع اختلاف في موعد الوجبة، حيث يتم تناولها قبل أذان الفجر استعداداً لصيام بقية النهار، والأكثر تناولأً في السحور، البيض المقلي، واللبن، والكشكة، وزيتون، والجبنة، والزعتر. بينما تبدأ وجبة الإفطار مع اذان المغرب بشرب الماء أو أي مشروب آخر، وبشكل خاص العرق سوس وقمر الدين، وبضع حبات من التمر، يليها تناول أطباق جانبية كالشوربة والسلطة، يلي ذلك الطبق الرئيسي والمكون من إحدى الطبخات السورية التقليدية. وأشهر الأكلات الشعبية في رمضان الفتة بالحمص والزيت "الحثاء " ثم الكبة النية والشوربة والفتوش وهي أطباق يومية، تتكرر طوال الشهر مع مشروب العرق سوس، والجلاّب، والقمر ديــــــن " رقائق المشمش المجفف".
طبق دمشقي
فالطبق الرئيسي تحضره سيدات سوريا، إلا أن الشيف أحمد سلوم وهو يعمل بأحد فنادق دمشق تحدث لـ "البيان" عن فتة المكدوس التي تشتهر بها دمشق، فقال فتة المكدوس بالباذنجان مقاديرها 1كغ باذنجان حجم صغير، وفنجان ونصف من الصنوبر، وأوقية ونصف لحمة مفرومة، مع فنجان ونصف من السمنة، يضاف اليها "المرق" ونصف كيلو لحمة "موزات" وثلاث قطع طماطم حمراء كبيرة ، و2 كغ لبن المروب، ورغيفان من الخبز العربي مع بصلة كبيرة بيضاء، ورشات نعناع أخضر وسنان من الثوم.
طريقة التحضير
تبدأ بتقطيع اللحمة الموزات قطعاً متوسطة ثم القيام بغسلها في القدر وغمرها بالماء الحار، وعلينا قشط زفرتها ونضيف عوداً من القرفة وقشري بصلة كبيرة، ولا بد من قطع أربع قطع إلى اللحمة مع قليل من الملح".
ومن ثم تأتي الخطوة الثانية بسلق اللحمة نصف سلق، وعصر الطماطم وتصفيتها من البذر، ووضعها فوق اللحمة داخل القدر، وتركها على نار هادئة، ثم القيام بحمي نصف فنجان من السمنة في مقلاة وقليها مع اللحمة المفرومة، نصف قلي واضافة ربع فنجان من الصنوبر والملح ونصف ملعقة صغيرة من البهار الحلو ومثلها قرفة، وتحريك الحشوة حتى تنضج، ومن ثم نرفع المقلاة عن النار .
ويردف سلوم:" نأخذ الباذنجان ونقطعه من تحت أقماعه، ونجوف بالمنقرة خفيفاً ونحشيه باللحمة التي حضرناها سابقاً. كما نقوم أيضاً بحمي الفنجان الباقي من السمنة في مقلاة، ونقليه مع الباذنجان حتى يميل لونه إلى الإصفرار فيترك في المقلاة، ويضاف إليه فنجان ونصف من مرق الموزات.
وتترك على نار هادئة حتى تنضج. أما الخطوة الأخيرة من فتة المكدوس فترتبط بتحميص الخبز العربي، وكسره لقطع صغيرة ووضعه في طبق خاص بالفتة، ويصب عليه المرق الساخن مع اللحمة ( المرق 3 فنجانين ) وتفرم بضع عروق من النعناع ودقها مع الثوم وشيء من الملح وقليها مع ملعقة صغيرة من السمنة ومزجها باللبن ثم تصب ، وعلى وجه الفتة يرش الصنوبر المقلي حتى يصفر فينثر على اللبن مع وضع الباذنجان فوقه في شبه دائرة.

[عُلا الياس]

شكرا يا مديحة ع هالوصفة الدمشقية
الله يبارك بأهل الشام وبكل رزقها
ويجعل في هالشهر الفضيل نهاية هالمأساة !
~~~~
التشيز كيك جربت طرق كتير وما عجبوني
فعملت كوليكشن خلطات بوحدة !
وسرت كل ما اعملها تزبط بهالطريقه وبتطلع طيبة فعلا
جربوها مش حتندموا الا انو حترتموا من الإنسطاح بصراحه ، مدسمها !
ـــــ

تشيز كيك

،
المقادير :
الطبقة الأولى :
بسكوت ديجستف + زبدة
الطبقة الثانية :
كريمة للخفق سائلة
( او 2 بكايت كريمة خفق دريم ويب + ملعقة فانيلا + كاسة زغيرة حليب )
2 باكيت جيلو بطعم أناناس
1 علبة نستلة حليب مكثـف
1 علبة قشطة
6 حبات جبنة كيري + علبة جبنة قابلة للدهن " للحلويات "
الطبقة الثالثة :
علبة Blackberry + حبات كرز أحمر
.

،
الطريقة :
بنطحن البسكوت
بما انو ما عندي هاي اللي بتطحن
بحط البسكوت بكيس نايلون
وبالخشبه بطحنه تيسير ناعم جدا
بعدين بحط الزبدة عليه ، وبنجبِل عاد !
تيتجانس تماما
بنفردو بالبايريكس
وبحطه بالفرن الحامي ربع ساعه
وبطلعه يبرد
.

،
تحضير طبقة النص هاي
بالاول بنحط الكريمة وبنخفقها بالخلاط 5 دقائق
بنحط بعدين الجبنه وبنخلط 5 دقائق تانيات
بنحط النستله وبنخلط برضو
ثم الجيلو اللي ذوبناه بشويت ماء وبيخلطو
ثم الؤشطه بالأخير
بنخليهم يخلطو شي سبع دئايئ
بعدين بنحط بملعئه كبيرة من علبة التوت
وبالمعلئه نفسها بنخلط التوتان تيضلو مبينات مو بالخلاط يعني
بيكون البسكوت سار بارد
بندلؤها
بنغلفها ، وبنحطها بالتلاجه 3 ساعات تتنشف
،

،
هلأ بعد التلات ساعات
بنجيب علبة التوت ، والكرز بنئطعو
بنفرد الكرزات
وبندلؤ العلبه ملعئة ملعئة بشويش بالفراغات
بنرجع بنغطيها
وبتضل بالتلاجه اربع ساعات تجمد
يعني بتنعمل ئبل بيوم من الآخر
.

،

صحتين وعافيه

[حنين يوسف]

يسلمووووو
بتعب والله
انا من القراءة تعبت .. كيف انت؟!!!

جد روعة .. منظرها بيجنن
يعني لو تنحط الي على الفطور بنسفها

[عُلا الياس]

المشاركة الأصلية كتبت بواسطة حنين يوسف

يسلمووووو
بتعب والله
انا من القراءة تعبت .. كيف انت؟!!!

جد روعة .. منظرها بيجنن
يعني لو تنحط الي على الفطور بنسفها

لا لا هي مش متعبه بصدق
كلو بالخلاط مهوي !
لكن بحبش اعملها لان الزغار بتركو كل اشي وببلشو فيها !
مو بحكيلك فيكي من لين بنتي !
اليوم حطيت بيضتين وخيارتين وكاستين الحليب وجبنتين بيض وخبزه
منشان افطّرهم
ئاعده انا وعمر بيحكيلي ماما هادا ضروري ؟ ..
بيلئح حكي مش عاجبه بدو الحلو بس هو راكز عمر
اكتشفت انو ما فيش لين !!!
بناديها : ليـــــــــــــــــن
صوتها من جوات التلاجه يبدو للسامع طالع !
نااااائاااام ماما !
تعالي افطري .. !
أنّ بفطااال ! ( ما انا عم بفطر )
فهمت دغري اني نسيت اسكر التلاجه بالمفتاح ولين جواتها سارت خلص !
ؤمت ركض
بعرفهم
فبسكوب بصحن جانبي بيضل تحت متناول اليد مو البايركس الرئيسي
واذ حاطه بنتي الصحن ومتربعه ع الأرض وللكوع بالصحن دائه !
دحريشها ما تركت المطبخ دئيئتين سارت غاطسه !
المصيبه شكلها لا يسمح انو تعصبي عليها وتبهدلي يا دوب تضحكي وتحاولي تنضفي وراها !
بالموت تعرفت اقنعهم فطور اول ثم الحلو !
الزغار هيك امور بيدئوا فيها منشان هيك بحبش اعملهم كتير
المهوم بس بنزل عمان بعملها وبعزمك عليها ان شاء الله