 |
|
|||||||
| منتدى الأسرة والمرأة والطفل نعنى بكافة شؤون الأسرة ومشاكل الأطفال ونحاول مساعدة المرأة في إدارة أمور حياتها والنظر في همومها اليومية، وطرق تربية الأبناء. |
 |
| مواقع النشر المفضلة (انشر هذا الموضوع ليصل للملايين خلال ثوان) |
|
|
أدوات الموضوع |
التقييم: 
|
انواع عرض الموضوع |
15-11-2011, 09:35 PM
|
رقم المشاركة : 13 | |||||
|
رد: مطبخ عـُلا
استمري علا فما زلت أتابع ويعجبني اهتمامك بالأكلات التراثية الشعبية جهد مبارك مشكور عزيزتي |
|||||
|
|
16-11-2011, 12:07 AM
|
رقم المشاركة : 14 | ||||||
|
رد: مطبخ عـُلا
اقتباس:
جهودك ملاحظة ومقدرة ومباركه استاذة اميمة اشكرك اختي من الناس اللي بتحب الكسل والراحه ، طبيعتي ، فلو كان بيدي لما قمت من على الكنباي  ولكن ما دامو فش حل تاني .. فبنعمل الاشي ع اصولو وبما انو الوالده هي المعلم .. ولاننا تعلمنا منها كل شيء بلا نقاش ولا جدال ، لاننا نثق بحكمتها ونثق بانها باستمرار توب التووب ! ورثنا منها التراث ! وان كان لم ولن يصل لاتقانها ، هي منا محاولات لا اكثر شكرا لك اميمة ومساء المخشي !! ، مخشي الكوسا باللبن/ والجميد  المقادير : كوسا لحمه مفرومه خشن ( بلدية او عجل ) بصله كبيرة صنوبر لبن ( وجميد ان وجد ، حسب الرغبة ، أطيب مع الجميد ) ملعقة سمنة ماجي بهارات مشكلة ، وملح وفلفل اسود ، وهيل مطحون قرن فلفل حار زيت للقلي أرز وشعيرية الطريقة : بنفرم البصله ناعم ئد ما فينا ، وبنئلبو بالزيت ليأخذ اللون الأشقر ونضيف عليه الفلفل الحار المقطع ناعم برضو ونقلب حتى نضيف الملح والبهار ( خيها تتئلى عمهلها )  نضع اللحم مع البصل وبنحرك وبنخليهم يتئلو حتى النضج ، نص ساعه ان طارت تئريبا ثم نضيف الصنوبر المقلي مسبقا ونحرك ، ونبقيه قليلا يطبخ على نار هادئه  بنحفر الكوسايات طبعا ونحتفظ بما ازلناه من داخلها بالفريزر نستخدمه للعجة او كوسا بزيت في يوم بنحتار شو نطبخ فيه ثم نقوم بحشو الكوسا باللحم بشكل جيد بنعبيهم هادا مو رز يعني ما حنخاف يفئعو وبنسكّر تم الكوسا ونقوم بقليها بالزيت حتى تأخذ اللون الأشقر  نضع الكوسا المقلي بصفاي ليتخلص من الزيت الزائد ثم نضعه بطنجرة الطبخ  اللبن بينعمال بطريقتين : لبن فقط بلا جميد كما في الششبرك تقريبا لكن بلا نشا : نخلط بخلاط الطعام اللبن مع قليل من الماء والملح ثم نقلبه على النار مضيفين الماجي والبهارات المشكلة نغليه ثم نضيفه على الكوسا ليطبخ مع بعضه جيدا . لبن مع جميد كما في المنسف ، وهي الطريقة المستخدمه عندي هون : نقوم بخلط اللبن بالخلاط ايضا بلا ملح فقط الماجي والبهار ونستخدم علبة جميد الكسيح او الجميد العادي  نحركها على النار ونضيف اللبن المخلوط ونستمر بالتحريك على النار حتى يغلي نضيف ملعقة ملح ليمون ثم نضيفه على الكوسا المقلي . يغلي مع بعضه ربع ساعه تقريبا ، ويكون بهذا اصبح جاهزا .  الأرز كالمعتاد ، يغسل وينقع ويقلب بالسمن بعد ان نكون قلبنا الشعيريه بالسمن واخذت اللون البني ونضيف الملح والماء يغلي ثم نخفف النار حتى ينضج تماما .  وصحتين وعافية |
||||||
|
|
|
16-11-2011, 11:33 AM
|
رقم المشاركة : 15 | |||||
|
رد: مطبخ عـُلا
عذراً، حظرت هنا من دون دعوة.. شكل الأكلات طيب ومذاقها لحاله بيحكي! يسلمو.. وربنا يديم النعمة.. مع تقديري للأخت علا.. أنا عندي علا بالجامعة (بدنا جاجة وكماجة)! ربنا يحفظكم جميعاً |
|||||
|
|
|
16-11-2011, 11:57 AM
|
رقم المشاركة : 16 | ||||||
|
رد: مطبخ عـُلا
اقتباس:
بل شكرا ، واهلا اهلا .. اهل البيت كيف لهم انتظار دعوه لينير حضورهم احدى حجراته !؟ ممتنة استاذ محمد لكرمك . ، والله احساسي بحكيلي في مؤامرة مسخن تحاك من حولي لان هي هيك سار بدها عزومه لمجلة اقلام عنا على مسخن !! الأخت سلمى سار بدها منا جاجتين وكماجتين وهلأ حضرتك الك بذمتنا جاجه وكماجه والمميزة اميمة لو بحبشت هون وهون حيطلع عندهم اسم يوافق اسم عنا ، وبتسير بدها جاجه وكماجه خليني اختصر انا .. اعزم اهل المجله عنا عمسخن وخلصت راحت  حياك وبياك .. احنا اللي حنكسب حضورك .. تصبّح بهالمعجنات صباحك بركة وهاي كاسة شاي بنعنع معاهن ،  ، معجنات طرية وبتشهي  ،  مقادير العجينة : ( الملعقة التي نتحدث عنها هي التي نأكل بها وليست التي نغرف بها الطعام ) 2 كيلو طحين ملعقة كبيرة ونصف بيكنغ باودر ملعقة كبيرة خميرة ملعقه كبيرة ونصف سكر ملعقة صغيرة ملح 12 ملعقة كبيرة حليب ناشف علبة ونصف لبن شرب ، تقريبا أقل من نصف لتر بقليل فنجان شاي زيت قلي بيضة ماء حسب الحاجة . نضع في وعاء : البيضة واللبن والزيت وماء بمقدار كاستين ونخلطها جيدا وفي وعاء العجن نضع باقي المكونات الناشفه ونخلطها ونبدأ نضيف تدريجيا السائل عليها لا نضع كمية السائل مرة واحدة لان هيك حتطلع خبيصة ! شوي شوي حتن تصبح العجينة بين أيدينا لينة جدا ان كانت ناشفة او فاكة عن ئيدينا ومو مدبئة غلط ، شنو رايحه تطلع ناشفة بعدين بتحطي مي لحتى توصلي لعجينة طرية رخوة بتلزأ باليد ولكن مو لدرجة المياعة ، يعني قدريها تقدير بتفكي العجين اللي باليد بالزيت وبتدهني الجاط اللي عجنتي فيه بهالزيت غطيها واتركيها تخمر مزبوط يعني شي ساعة زمن ، وبعد ساعه ارجعي اعجنيها ومرمطيها وتركيها ترتاح نصف ساعه كمان . ان اتبعتي هالخطوات تمام .. حتطلع معك عجينه بتشلؤ ، ونصيحة : بس بدك تستخدميها ئطعيها دوائر بالحجم المطلوب وخليها ترتاح العجينة كل ما اخدت وئت وارتاحت بتساعدك وبتكون افضل . ~~~~ هلأ خلال ما عم تخمر بتحضري الحشوة اللي بدك تستخدميها ، انا عملت سبانخ ، ولحمة ، وجبنة بيضا وصفرا ، وبيتزا ؤرديحي لانه البيتزا بدها عجينة خاصة بس انه هالعجينة بجد بتزبط لجميع الانواع . ،  كيفية تحضير السبانخ : بتجيبي ضمم السبانخ حسب حاجتك ، بتلئطيه وبتغسليه مزبوط مزبوط ، وبتخليه ينشف بعدين بتحطي بجاط : بصل اخضر كمية وافرة بصلة عادية وسط فلفل حار + ملعقة شطة حارة ليمون ( كتري بيطلع ازكى ) زيت زيتون سماق وملح وبهار افركيهم بئيدك مزبوط مزبوط وابدأي ضيفي السبانخ عليهم تدريجي وافركي مزبوط عجني تعجين بس كلو ينخلط سوى ، فيكي تكتفي بهيك وما تحطيها ع النار وفيكي برضو تقلبيها ع الغاز شوي . هيك السبانخ بيكون جاهز .  طريقة تحضير اللحمة : بتئلبي على النار بصلة وبتضيفي عليها كم سن توم مبروشات وفلفل حار وبارد بتئلبيهم وبتملحيهم وبتبهريهم وبتحطي اللحمة عليهم تستوي شي تلت ساعة بعدين بتضيفي الكاتشب والبندورة ونصف كاسة لبن زبادي بتئلبي شي عشر دئائق بالكتير وبتكون هيك اللحمة جهزت .  الجبنة البيضا والصفرا : الجبنة البيضا بحط عليها زعتر ونعنع وزبدة وفيكي تختاري اي منهم او بلاهم حتى عادي حسب الرغبة الجبنة الصفرا بحط قشقوان مع شدر . ومتل الصور التالية بتبدي تحشيهم بالشكل اللي بدك ياه .  ،  ،  ، البيتزا : فيكي تعمليها أقراص صغيرة او صواني حسب اللي بتحبوه بالبيت طبعا. واي مكونات بدك تحطيها . ببدا انا بفرد كاتشب ورب بندورة مملحات ومبهرات مو دايمن بئلب المكونات ع النار ئبل استخدمهوم بصل .. فلفل .. بندوره دوائر .. فطر وزيتون .. لحم .. جبنة وبالفرن على درجة عالية بتكوني عما بتخبزيهم .  ،  ، و صحتين وعافية  |
||||||
|
|
|
17-11-2011, 11:51 PM
|
رقم المشاركة : 17 | |||||
|
رد: مطبخ عـُلا
شاورمــــــا  الشاورما : صدور دجاج حسب الحاجة بصل ، بندورة ، فلفل حلو وحار ، بهارات مشكلّة ، فلفل اسود ، هيل مطحون ، قرفة ، هيل حب ، ؤرنفول حب ومطحون ، ورأ غار ، ليمون ، لبن رايب ، زيت زيتون ، فحمة ، خل .  الطريقة : نغسل الصدور جيدا بالماء والطحين وننقعها بالخل والليمون نصف ساعة ، ثم نقطعها بشكل طولي ، ونضع عليها ، الزيت والبهارات المشكلة والكاري ، والفلفل الاسود والئرفه المطحونه ، وملعقتين لبن رايب ، نخلطها ونغلفها ونضعها في الثلاجه حتى اليوم التالي .  اليوم التالي ، نخرجها ونضعها على النار حتى تنضج تماما تقريبا نصف ساعة ، ثم نقوم بوضع ملعقة من السمن في طنجرة .. ونقطع البصل بشكل طولي مع فلفل حلو ، ونضيف ملح وبهار حسب الرغبة . حتى يقلى بشكل مناسب .  بعدين نقوم بوضع البندورة وفلفل حار قرن واحد صغير بلا اي زيت حتى يتشوى ونضيف عليه ورق الغار والئرفة العواد والقرنفل ونعنع ناشف ونقلب حتى نلاحظ الرائحة ، نزيل الورق الغار والقرنفل والقرفه حتى لا تعلق بالشاورما نحتاج فقط للنكهه .. ونضع الدجاج عليها ونقلب .   نجهز الفحمه على النار ، ونضعها بورق الألمنيوم بوسط الوعاء ، ونضعها بالفرن تتشوى وتأخذ رائحة الشواء .  المايونيز : نضع بالخلاط بياض بيضتين ، رشة ملح ، رشة فلفل اسود ، سنين ثوم ، ملعقة خل ، ليمون ، كاسة زيت النباتي . نخلطها جيدا ونضيف الزيت حتى نحصل على السماكه المرغوبة . اما ثومة الشاورما : نضع بالخلاط زيت نباتي ، ليمون ، ملح ، قليل من الخل ، 3 بياض البيض ، 9 سنون ثوم ، وحبيتين بطاطا مهروسة ، نخلط ونضيف الماء حتى نحصل على سماكة ترضينا ( على فكره هاي فعلا بتشهي ) .  سلطة السيزر : المايونيز اللي عملناها ، نضعه بالخلاط ونضيف عليه الكاتشب ، بتطلع بالزبط متل صوص البيتزا هت ، لكن بنخففها شوي بالماء . ونضيفها على علبة من الذرة .. وصحن من البازيلا والجزر المملح ، وان في معكرونة او ملفوف برضو نفس الشي .  المقبلات : مخلل ، وبطاطا مقلية تلزم ايضا ان رغبتِ للحشوة .   عمل ساندويشات : نحتاج لخبز شراك وخبز عادي ، نقوم بوضع ملعقة من المايونيز والدجاج والمخلل والبطاطا والكاتشب نلفها ونجهزها للشواء ، وعندما تجهز نقطعها .  صحتين وعافيه !!! صحه ؟!! بجد كتير دسمه وكتير مضره لا تعملوها وبتغلب كمان |
|||||
|
|
|
18-11-2011, 06:40 PM
|
رقم المشاركة : 18 | |||||
|
رد: مطبخ عـُلا
ماشاء الله عليك يا علا ، ماشاء الله هاد كله إنت طبختيه ؟؟ |
|||||
|
|
|
18-11-2011, 10:33 PM
|
رقم المشاركة : 19 | ||||||
|
رد: مطبخ عـُلا
اقتباس:
أهلا بالمشاكسة الجميلة راحيل وتحياتي طبعا لصاحبة البيت أقصد المطبخ ست علا رضي الله تعالى عنها وأرضاها استوصي براحيل خيرا يا علا بدنا اياها تتعلم منك شوي يعني هي بصراحة مو ناقصها الا شوية بهارات أقصد ....... لا .. لا ولا يهمك رحولة أنا بطبخ وبطعميكم انت بس ارضي علينا شو بدك أكتر من هيك ؟! |
||||||
|
|
|
18-11-2011, 10:35 PM
|
رقم المشاركة : 20 | ||||||
|
رد: مطبخ عـُلا
اقتباس:
يسلمووووووو علا جد جوعتيني بهالأكلات الطيبه أصلاً راح أعمل الملفوف الليله مافي مجال يمممم .. بس عند سؤال في الكبسة مخي تخين شوي نسلق الرز بمية شو .. ويعطيك ألف عافيه وننتظر جديدك ماتخلينا راح نطلك كل شوي .. |
||||||
|
|
|
18-11-2011, 10:36 PM
|
رقم المشاركة : 21 | |||||
|
رد: مطبخ عـُلا
وعلى فكرة يا علا متابعتك وجهودك الواضحة في الموضوع تغريني بتثبيته لمدة عشرة أيام فقط (عشان ما يزعل منا المدير العام)  بالفعل جهود رائعة وتستحق التثبيت |
|||||
|
|
|
19-11-2011, 06:10 AM
|
رقم المشاركة : 22 | ||||||
|
رد: مطبخ عـُلا
اقتباس:
يعني كنت حفقد الأمل اشوف حد بأقلام بيمزح !!! اما تلميحك لصورة الضفدع بمكعب تلج الله يرضى عنك والله من قلبي ضحكت !!! كانت ظاهره صورة الكاسه مش عارفه كنو الضفدع عمل عليها هكر !!! الله يجزاكي خير هالضحك انا بكتب ومحششه على عفوية وجمال حضورك !!! الأستاذ محمد شاف الضفدع حكالك هاي بيعملو شاي صيني خليني ابعد احسنلي وان انتِ فعلا بالسعودية .. انا بالرياض ، اشري ودشري ، ابشري بشو ما بدك حياكي وبياكي والله مو عزومة مراكبيه ابدا ، احكي شو بدك منهن مو صنف او صنفين ابدا ، اللي بدك لا تخجلي وحددي يوم ومرحبابك وبكل أحبابك ، الف اهلا وسهلا . اما انا مش عارفه اتوقف عن مراجعة ردك اكتر من مره مريت فيه الله يسعد البك حششت العاده ! مفاجأه علي بأقلام وجودك كنت حيأس خلص والله !!! |
||||||
|
|
|
19-11-2011, 06:12 AM
|
رقم المشاركة : 23 | ||||||
|
رد: مطبخ عـُلا
اقتباس:
كنت ع وشك احكي اتلهمدي علا الناس ميخداها جد وانتي محششه ليفكروكي شاربه شي وانا والله غير الئهوه ما بشرب حتن مي نادرا خليها بالله عليكي لا تتعلم مني ولا من اي حد هي هيكت اكتر من روعه تبارك الله لا حسد خليها حلو تشوفي حد بعدو عايش على قيد الحياه مو على قيد الحياه ميت |
||||||
|
|
|
19-11-2011, 06:16 AM
|
رقم المشاركة : 24 | ||||||
|
رد: مطبخ عـُلا
اقتباس:
هادا بس من طيب روحك اختي الله يبارك فيكي ، مي سخنه بالنسبه لرز البنجابي او المصري نحنا البناجبي بنعملها ، سخنه من الحنفيه مو سخنه مغليه ع الغاز ، ومو اكتر من ربع ساعه بتنئعيه . وبعدين عند الطبخ كل كاسه رز كاستين مي ، وزيادة البياع بتكون على كل العدد : نصف كاسه مو اكتر ، شوي بتسلؤ ع نار عاليه وع الهدى خليها بعدين براحتها . يعافيكي ويرضى عنك ويبارك فيكي ، هلأ بدرجلكم شي جديد بس خلص ردود على مروركم الكريم يسعد اوقاتك ممتنه بجد |
||||||
|
|
|
«
الموضوع السابق
|
الموضوع التالي
»
العرض العادي
|
|
الساعة الآن 05:58 PM.