مطبخ عـُلا

[م. وليد كمال الخضري]

المقلوبة انا طبختها مرة لما كنت عزابي ونجحت وما عدتها بعد هيك ههههههههههه بس الفراخ كانت برة بس ما بدي انزل صورها علشان الصدمة بس ههههههههههههههه

[م. وليد كمال الخضري]

هادي الصورة وانا مش مسئول عن اي صدمات
طبعا المطبخ كان طوارىء وكان معايا اتنين اصحابي انهد حيهلم في غسل الطناجر انا فاكرهم 3 طناجر ومقلاية غير الشوك والمعالق المهم كان في رمضان انا افطرت وشردت ههههههههه لانه الطبخ كان عليا والباقي عليهم ههههههه

[عُلا الياس]

المشاركة الأصلية كتبت بواسطة م. وليد كمال الخضري

هادي الصورة وانا مش مسئول عن اي صدمات
طبعا المطبخ كان طوارىء وكان معايا اتنين اصحابي انهد حيهلم في غسل الطناجر انا فاكرهم 3 طناجر ومقلاية غير الشوك والمعالق المهم كان في رمضان انا افطرت وشردت ههههههههه لانه الطبخ كان عليا والباقي عليهم ههههههه

طيب شوف بدي احكي شي بس مو تزعل ترى بعرفش ما احكي شو بيمشي بهالراس ،
هلأ بدي اعرف اول اشي شو السدوره اللي حوالين المئلوبه فيهم ما ئدرت أحزر
تاني اشي والله ان السفره شكلها نضيفه كتير والمئلوبه بجد زابطه وان زايد ميتها وكمانا شكلها بجد زاكيه
بس انت متل دار حماي بصراحه .. أكلهم زاكي بس يا الله شو دسم !
كنو كتير عليها زيت مو مصفي المئالي !؟؟؟
شكلها بشهي بجد ما بجاملك ، بس هو انا ان بشوف اكل عليه زيت ولا فيني دوئو اكلي تئريبا شبه ناشف !
بس سفره نضيفه وكنو بجد شطور بالطبخ وان عجئتلهم الدنيا
سلم ئديك بكفي الك طولت بال توئف تطبخ ، يسلمو ئديك كمانا انك شاركتنا بالصوره
عجبني الصحن اللي فيو اللبن كان عنا بالكويت واحد متلو وبرضو امي تحط فيو لبن !
بس ترى هي سفره عزابيه بجداره مبين بصراحه لا تسألني شلون
شكرا م. وليد ويعطيك كل الصحه

[م. وليد كمال الخضري]

شكرا على التلعيق والمرور جبرتي خاطري هههههههههههه

انا بالنسبة الي انا ما بحب اي اكل دسم او زيت واذا شميت ريحة الزيت او شفته على السفرة بشبع اتوماتك

هادا مش دسم اظن المية زايدة شوية

بالنسبة للسفرة فيه لبن وشوربة والي على الشمال الجاج مشوي لانه اعملناه برة ما كان في وسع في الطنجرة تاخد الجاج والرز اما الاصفر الي على اليمين قاعد بتذكره والله ما انا عارف شو فيه هههههههه

مشكورة علا على المرور وانا الي طولة بال على الطبخ بس الاكلات الي بعملها معدودة على الاصابع وما كان عندي وقت المقلوبة هادي اتحديت فيها نفسي لاني اول مرة كنت بقف في المطبخ علشان خاطر رمضان والي ما بتعرفيه انه زوجتي مصرية وعلمتها الطبيخ الفلسطيني شوية شوية هيا شاطرة في المحاشي والاكل المصري بس مشكلة الاكل المصري دسم كتير بس اتعودت علي شوي

[م. وليد كمال الخضري]

مرفق ملف لوصفات المعجنات جاني على الايميل للي بدو يستفيد

حمل من هذا الرابط

http://arabsh.com/files/0b32454b62/moajanat-rar.html

[عُلا الياس]

المشاركة الأصلية كتبت بواسطة م. وليد كمال الخضري

مرفق ملف لوصفات المعجنات جاني على الايميل للي بدو يستفيد

حمل من هذا الرابط

http://www.zshare.net/download/99294750aeee3a96/

ما عرفت أحمل من الرابط
لكن بدي اسألك سؤال باش مهندس لو سمحت يعني
انو شو ئصدك من هالحركه ؟؟؟
انو معجناتي ما عجبوك مهي العجينه متل الؤطن وبالتفصيل مفصله
هيك بيرضيك تحسسني ان معجناتي مش ولا بد
بطّلت أطبخ محوربتكو كلياتكوا
كنت بس حنزل ع الاردن ناويه صورلكم اكلاتي بعمان بطّلت خلص ، كلياتو منك ، هيك بتضطهد معجناتي ؟

[أميمة وليد]

أنا فكرت علا رجعتلنا بطبخة جديدة

طلع الطبيخ عالباش مهندس وليد

لا ومو أي طبيخ

مقلوبة

ويا عيني عالمقلوبة

والله شكلها حلو بس أنا كمان ما تعرفت عاللي حواليها

بس معها علا حق تزعل من الرابط

يعني شفلك مكان تاني حطه ،، مش هيك عينك عينك !

الله يسامحك بس

ويعينك على زعل الخلايلة

[عُلا الياس]

طيب ست أميمه وهاي طبخه جديده
بس منشان الله طلعي الخلايله من راسك خلص لانك حكيتي هيك بديش خانئو عاد كنت بدي ضل عامله حالي زعلانه
اليوم اجا ع بالي فريكه انا بحبها
وبالبيت ما بحبوها فعملت الهم سندويشات دجاج لكن مفبرك يعني عالماشي تسليكة
باش مهندس وليـــد عما بمزح معاك بالعكس حلو هالموضوع يضل عايش بمشاركات من عندكم فيا ريت تكتر النا من صور طبخاتك
شكرا كتير كلك لطف
النت عندي بطيئ من الصبح اول ما يتحسن حشوف الرابط
شكرا الك ويسعد مساك
يلا هيها :

،

فريكة ودجاج ابصار شو !

،
ئبل بيوم كالعادة جهزت الدجاج
غزلتو ونئعتو بخل وليمون ، غسلتو تاني وئطّعت منو مربعات للفريكة
ومطاول للسندويشات
المربعات للفريكه حطيت عليهم : زيت زيتون .. ملح وبهارات وفلفل اسود
المطاول للسندويشات : نفس اللي فوء لكن زدت عليه كاتشب ولبن وليمون وخل .

،
تاني يوم اللي هو اليوم يعني
طلتهم وفرمت بصل مطاول وبندورة وفلفل حلو مطاول وئلبتهم زيت زتون .
الفريكة ئلبت بصل مربعات بسمنة شوي

،
غسلت الفريكة ونئعتها بمي سخنه وملح
خليت الدجاج يستوي مع البصل
ثم الفريكة بعد ما استوى
حطيت مي جاج عندي من ئبل
ان ما عنا بنحط مي مملحه ومبهره وفيها مكعب ماجي

،
تتئلى الجاج واستوى تماما ونشف ميتو شويتو شوي بالفرن
وعملت سندويشات كنها شاورما

صحتين

[م. وليد كمال الخضري]

سلام عليكم اختي علا

اول حاجة انا اقلك قصة الملف هادا وانا بدور في الايميل تبعي لاقيت ايميل قديم فيه ملف بوربوينت فيه معجنات لمنال العالم والشيف المصري نسيت اسمه فحولته لبي دي اف لانه بوربوينت وحاولت اني احمله على المنتدى قال حجمه كبير حملته على الموقع هادا وحطيت الرابط ولما شيكت عليه فعلا مش راضي يشتغل لازم اشوف اله حل ما تقلقي وهاي رابط

http://arabsh.com/files/0b32454b62/moajanat-rar.html

تاني حاجة مين جاب سيرة المعجنات الي بتعمليها او داس على طرفها وهيا شكلها حلو يس الملف فيه 66 وصفة وانتي ما نزلتي غير وصفة وحدة بعدين انتي شكلك بدوري على حجة علشان ما تقدمي النا اي وصفات جديدة وخصوصا المعجنات انا قلت افيد الستات في المنتدى الحق عليا انا غلطان انا شو الي دخلني في الطبيخ مع اني لسا امبارح طابخ تايلاندي واول مرة احط عليه فلفل احمر مطحون وماعجب مراتي بس جبرت بخاطري واكلت معي

[م. وليد كمال الخضري]

والله اختي علا الوجبة هادي قريبة من التايلاندي الا انا بعملها هية وجبة سهلة وما بتاخد وقت بس انا بستخدم فيها خل التفاح الطبيعي الي بيعمل الها نكهة خاصة واحيانة فلفل احمر مطحون انا جبته من غزة انصحك باستخدام خل التفاح بعد كسره بالماء في وجبات الطعام واقصد خل التفاح الطبيعي فقط وليس الكيميائي والاكلة شكلها حلوة ونضيفة هادا الفرق بين شغل الستات والرجالة انا زوجتي بتكره اليوم الي بخش فيه المطبخ هههههههههههههه

[عُلا الياس]

المشاركة الأصلية كتبت بواسطة م. وليد كمال الخضري

والله اختي علا الوجبة هادي قريبة من التايلاندي الا انا بعملها هية وجبة سهلة وما بتاخد وقت بس انا بستخدم فيها خل التفاح الطبيعي الي بيعمل الها نكهة خاصة واحيانة فلفل احمر مطحون انا جبته من غزة انصحك باستخدام خل التفاح بعد كسره بالماء في وجبات الطعام واقصد خل التفاح الطبيعي فقط وليس الكيميائي والاكلة شكلها حلوة ونضيفة هادا الفرق بين شغل الستات والرجالة انا زوجتي بتكره اليوم الي بخش فيه المطبخ هههههههههههههه

آر يو سبيك عارابيك !
آل تايلاندي !!
فريكه يا خوي مننا وفيننا !
والدجاج افرم اشوي عادي !
صباحك ابتسامه ومعده جعانه .. ريّلت عصحن فريكه بنشبعش منها !
بحط خل ابيض والله اول مره بخطر ببالي التفاح ! رح جرب واحكيلك النتيجة والفلفل المطحون الغزّي معروف !
نتفه وبيولع راسك عادي ! الله يرحمك يابا سار موقف مره ما ححكيه بس انو بعرف عن شو بتحكي خخخخخخخخخخخخخخخ !
بالنسبه لزوجتك الكريمة فالله يعينها ! بفهم تماما مشاعرها بلا نيله فنجان ئهوه بتئلبو المطبخ ئلابه !
وبدي احكيلك صورلنا طبخات خايفه زوجتك ربي يحفظها ، تدعي ع اللي كان السبب
شكرا الك كلك لطف وترقب طبخه قريبا

[م. وليد كمال الخضري]

اختي علا
بالنسبة للتايلاندي هادي وجبة مشهورة في غزة والها محلات كمان زي الشاورما بعدين بتختلف شوية عن فريكة الابصر شو. بالنسبة للخل الابيض هو خل كيميائي ضار جدا للمعدة استخدمي اي خل طبيعي ويفضل خل التفاح الطبيعي لانه ورد ذكره في حديث للرسول عليه الصلاة والسلام" خير الادام الخل" وكان يقصد خل التفاح

ان شاء الله بحاول اخش المطبخ واعمل اكلة التايلندي واصورها بس مستني التصريح هههههههههه