 |
|
|||||||
| منتدى العلوم الإنسانية والصحة نتطرق هنا لمختلف الأمور العلمية والطبية والمشاكل الصحية و الأخبار والمقالات والبحوث العلمية وآخر الإصداؤرات العلمية والثقافية، إضافة إلى ما يفيد صحة المرء من نصائح حول الغذاء والرشاقة وغيرها.. |
 |
| مواقع النشر المفضلة (انشر هذا الموضوع ليصل للملايين خلال ثوان) |
|
|
أدوات الموضوع | تقييم الموضوع | انواع عرض الموضوع |
03-08-2008, 03:30 AM
|
رقم المشاركة : 1 | |||||||
|
شو زمرة دمك !!!
هاد موضوع عجبني .. صحيح انو بالعامية .. بس طريقة طرحو حلو كتير الموضوع منقول و كتبتو دكتورة زميلة النا ..  السلام عليكم ... مرة تانية :shy: كيف الحال؟؟ : عمرك سألت حالك شو نوع دمك؟ ما حد يقلي بارد ولا خفيف :sc:  شو نوع فصيلة دمي .... ؟؟ وشو هادي اللي بضلو الناس يحكوها A , B, O ؟؟!:idk: مش بس هيك... بقلك موجب وسالب مش علامات جامعة طبعاً:re: (بعرف بايخة :-o: ) وشو بتفرق هالأنواع من بعض... لمين بقدر أتبرع ؟ تجدونه في هذا الموضوع :e: كل واحد فينا .. عنده بدمه كريات دم حمراء.. صح؟ هالكريات صحيح مدورة بس فيه عليها جسيمات صغيرة ( بروتينية وكربوهيدراتية ) بتفرق كل وحدة عن التانية.. يعني زي ما نحكي.. هادا شعره اشقر..هادا شعره اسود .. وهادا أصلع :-h: " هلأ بتعرفوا ليش أصلع "  اللي عنده جيسمات من نوع A بكون نوع دمه A واللي عنده جسيمات من نوع B دمه بكون B واللي عنده التنين بكون دمه AB واللي ما عنده أي واحد فيهم بكون دمه O .. الأصلع بالمثال فوق:sc: طب شو الموجب والسالب :ag:؟ في اشي اسمه العامل الريزيسي Rh اللي عنده اياه بكون موجب واللي ما عنده.. بكون سالب .. أما عن الوراثة... فان شاء الله قريباً بنحكي عنها بموضوع تاني:sc: لمين بقدر أعطي دم ... ومن مين بقدر آخد؟؟ ممممممم شو اللي بحدد هالشغلة ؟؟ .... هلأ اللي دمه A بكون عنده أجسام مضادة لــ B ..اجسام مضادة يعني ازا بتشوف كريات دم عليها B بتكسرها  واللي دمه B بكون عنده أجسام مضادةلــ A واللي دمه O بكون عنده أجسام مضادة لـ A و B واللي دمه AB ما عنده أجسام مضادة السالب والموجب واللي دمه سالب .. ازا نقلناله دم موجب .. بيتكوّن عنده أجسام مضادة للموجب يعني هي مش موجودة من قبل.." بس بتتكون نتيجة النقل..الجسم اعتبرها غريبة" الدم الموجب ما عنده أجسام مضادة للسالب :rgs: شوفو هالجدول..  لو أنا بدي اتبرعلك بدم ... بنتطلع عنوع دمي... وعنوع الأجسام المضادة عندك! ... ازا اتفقوا... كان بها وازا ما اتفقوا........... مكانش بها :bg: شوفوا حدا تاني  :شايفين كيف اللي دمه O بكونو كرماء... بيعطو كل الناس... لإنه ما عندهم اجسام مضادة..وبياخدوش الا من حالهم؟؟ شايفين جماعة الدم البخيل AB اللي بياخدوا من كل الناس.. بس ما بيعطوا غير حالهم :-o: نقطة أخيرة... هلأ ليش بحكوا لازم نعرف نوع دم الأم قبل الولادة ؟ ازا كان دم الأم سالب.. وزوجها موجب... ممكن أبنهم "يطلع لأبوه " دمه موجب... عند الولادة .. بيختلط جزء من دمه مع دم أمه ... هو ما بصير عليه اشي... بس زي ما حكينا فوق.. اللي دمه سالب.. لو نقلناله دم موجب ..بيكوّن اجسام مضادة للموجب.. فأي موجب بقرب عالجسم بكسره... فلو هادي الأم.. حملت مرة تانية...وابنها " برضه طلع لأبوه موجب :bg: " .. دم الأم اللي بيوصل للجنين رح يكون فيه أجسام مضادة... ورح تكسر دم هالولد .. وهادا اسمه hemolytic disease of the newborn عشان هيك..كتير مهم كل واحد يعرف شو نوع دمه " بفحص سهل جداً " .. فالأم اللي دمها سالب.. بيعطوها ابرة تمنع تكون الأجسام المضادة للدم الي حيجيها من ابنها الأول...:e: نقطة بعد أخيرة :sc: هل لنوع الدم علاقة بالشخصية ؟ باليابان كتير كان في أبحاث عهالإشي... لكن حالياً تم نفيها كلياتها بس طبعاً يعني اللي دمهم O حبابين ولطيفين وطيوبين أكتر من غيرهم :bg: في داعي اقلكو شو نوع دمي ؟ :.
|
|||||||
|
|
03-08-2008, 09:33 PM
|
رقم المشاركة : 2 | ||||||||||||||||
|
مشاركة: شو زمرة دمك !!!
والله في داعي يا دكتور إيهاب نعرف اسم هالدكتورة الظريفة اللطيفة .. يعني ما خدي راحتها في الحكي .. :
|
||||||||||||||||
|
|
|
04-08-2008, 03:34 AM
|
رقم المشاركة : 3 | |||||||
|
مشاركة: شو زمرة دمك !!!
بس طبعاً يعني اللي دمهم O حبابين ولطيفين وطيوبين أكتر من غيرهم
|
|||||||
|
|
|
05-08-2008, 08:32 PM
|
رقم المشاركة : 4 | ||||||||
|
رد: مشاركة: شو زمرة دمك !!!
اقتباس:
و الله الدكتورة ما بعرف اسمها .. بتخاف على حالها من الحسد :d
|
||||||||
|
|
|
05-08-2008, 08:34 PM
|
رقم المشاركة : 5 | ||||||||
|
رد: مشاركة: شو زمرة دمك !!!
اقتباس:
|
||||||||
|
|
|
05-01-2009, 06:30 AM
|
رقم المشاركة : 6 | |||||
|
رد: شو زمرة دمك !!!
|
|||||
|
|
|
31-08-2023, 10:20 AM
|
رقم المشاركة : 7 | |||||||
|
رد: شو زمرة دمك !!!
موضوع جميل
|
|||||||
|
|
|
العرض العادي
|
|
