 |
|
|||||||
| منتدى الأسرة والمرأة والطفل نعنى بكافة شؤون الأسرة ومشاكل الأطفال ونحاول مساعدة المرأة في إدارة أمور حياتها والنظر في همومها اليومية، وطرق تربية الأبناء. |
 |
| مواقع النشر المفضلة (انشر هذا الموضوع ليصل للملايين خلال ثوان) |
|
|
أدوات الموضوع |
التقييم: 
|
انواع عرض الموضوع |
13-11-2011, 11:26 PM
|
رقم المشاركة : 1 | |||||
|
مطبخ عـُلا
السلام عليكم ورحمة الله وبركاته ؛ يعني ما حد أحسن من حد ! كل شوي بقرأ : مطبخ ام زهدي .. مطبخ ام العيال .. مطبخ ابو عباس ! حكيت خليني الم طبخاتي بصفحه انا كمان واحكي : مطبخ علا !! ، كل ما اطبخ طبخه بدي انزللكم الطريقة والصور ولأني من فـتره بصور فعلا طبخاتي حدرجهن هون تباعا واي حد بيحب يشاركنا بطبخه لا يبخل علينا ويعلمنا يجزاه الخير ، يلا بسم الله بنبدأ الملفوف :  المقادير: ملفوف توم رز بهارات مشكلة ، فلفل اسود ، ملح ، كمون ، عصفر ، ئرفه شوي ، هيل مطحون ، ماجي ، نعنع ناشف لحم مفروم خشن بئدونس ، فلفل اخضر حار وبار ، بندورة ، بصل زيت زيتون ، زيت مازولا الطريقة: بنسلؤ الملفوف تيطرى مو تينصهر بنضل وائفين عند هالطنجره نتفئد كل ما ورأ سار كويس بنئيمو في ناس بتسلوؤ ورئه ورئه انا بحطها كامله بالطنجره بعد ما بالسكين بئوم هادا اللي هو راسها انداري شو ؤسمو  بعد ما كون ئطّعت المربعات للحشو اللي بيزيد ضلاع بحطهم تحت بفردهم ، وعليهم التوم والفلفل والبندورة  الحشوة: الحشوه هي الرز المصري ، واللحمة ، والبئدونس ، وزيت المازولا البصل .. في ناس هو والبئدونس ما بيحطوهم متل امي يعني وخواتي انا بحطهن حره انا الملح والبهارات كلياتها ..  ببدأ الف بهالطريئه بفرد الرز طولي .. وبحشيها كويس بلف وبرتب الجوانب  وتسفيـــــــــط بالطنجره بس خلص الكمية بفرد كمان ضلوع ملفوف فوئ وبرش نعنع ناشف وزيت وملح وفلفل اسود مطحون بغطيها بماء صخن فيه ماجي او ميت دجاج ئديمه انا بحط باستمرار ماء الدجاج بتغلي .. بحط صحن تيضغطها ويغطيها عنار رايئه تتستوي شي ساعه ونص حسب بتضلي تتفئدي بعد الساعه وربع انتي  مع سلطة خيار بلبن نحنا بنحوبها صحتين عمي  |
|||||
|
|
13-11-2011, 11:27 PM
|
رقم المشاركة : 2 | |||||
|
رد: مطبخ عـُلا
ورق عنب وكوسا ،  المقادير : كوسا وباتنجان ورق عنب بندورة رز مصري فلفل حار اخضر فلفل بارد اخضر بئدونس ملح وبهارات مشكلة وفلفل اسود مطحون ليمون زيت زيتون لحمة ئطع ماء ماجي ، الطريقة :  بالنسبة للحشوه : رز مصري بندورة مفرومة ناعم + فلفل اخضر حار وبارد مفروم ناعم ملح وبهارات بئدونس مفروم ناعم برضو وزيت ولحم مفروم خشن ، بنحفر الكوسا والبتنجان وبنحشيهم ئبل الورأ وبنحط بئاع الطنجرة اللحمة الؤطع بنرصها تحت طبقة كاملة بعدين طبقة من بندورة دوائر وليمون وماجي  بنلف ورأ العنب متل اللي بالصوره الطريئه بنفردها على الئفى وبنحط بشكل سطر طويل ( مو مكوم بالنص ) الحشوة وبنئلب الجوانب وبنشد ونلف للآخر  فوء طبئة اللحمه ، ثم البندوره والليمون بنفرد طبئه كامله ورأ عنب بعدين كوسا وباتنجان بعدين ورأ عنب هيكت طبئات فوء بعضها وبالآخر الورأ اللي زاد بنغطي فيه الوش تاع الطنجرة وبنرش على وجه الطنجرة : ملح ، زيت زتون ، ليمون وبنحط مي دجاج عنا ان في بالتلاجه او مي عاديه مملحه ومبهره انا عندي كان مي جاج فحطيتها بنخليها تغلي وبعدين عنار هاديه شي ساعتين تلات وصحتين وهنا  |
|||||
|
|
|
13-11-2011, 11:28 PM
|
رقم المشاركة : 3 | |||||
|
رد: مطبخ عـُلا
الششبرك المقادير : ( هاي بتكفي شخصين ) كاستين طحين .. كاسة مي مو ملانه فيها مدوبه نص معلئه زغيره ملح ، هاي العجينة 4 سنون توم متوسطات الحجم مبشوره ناعم ، شوية كزبرة أو بئدونس مفرومه ناعم ، هاي التئلايه 6 علب لبن رايب كامل الدسم ، معلئتين نشا تاعات الأكل مضروبه ع المولينكس ، هاي اللبن ونص كيلو لحمة ، بصله كبيره مفرومه ناعم عليها فلفل اسود وملح فقط وانا بحط هيل مطحون هاي الحشوة ~~~ الطريقة : هلأ بنحط الطحين وبننخلو بالمنخل ، وبنبدا نحط المي شوي شوي بدنا العجين تكون صلبه شوي لكن مو يابسة انا كيف بعرف انو سار تمام الوضع ؟ بس الجاط اللي بعجن فيه يسير كأنو ولا انعجن فيه نضيف بيلمع بتسير العجين تنضف عحالها ! متل هالصوره :  بنغطيها بنايلون وبنتركها ربع ساعه ترتاح ، بعد ربع ساعه بنرجع نعجنها وبنخليها برضو ترتاح ربع ساعه تانيه . ~~~ بنفرم البصله ناعم ، وبنحط اللحمه تتنشف تماما عنها المي وطبعا بنضيف الفلفل والملح متل الصورة :  ~~~ هلأ العجين جاهزة .. والحشوة شرحو ،  ~~~~ بتفرد العجين على مكان نضيف مرشوش بطحين وبترئئها كتير ئد ما فيك وبتئطعها بفنجان ئهوه وبتحشيها بمعلئه زغيره لحمه بتعملها هلال وبتشئلبها على بعض تتطبؤ من الناحيتين على بعضيها بترصها بصينية مرشوشة طحين ، وبتحطها بالفرن تتنشف شوي بندون ما تتشوى او يتغير لونها الغايه بس تنشف تماما .    ~~~ هلأ بتغلي اللبن على الغاز بعد ما تكون حطيت النشا وبتسئط بس بيغلي تمام الششبركات وبس تلت ساعة يغلو على بعض بتحطي التئلاي شوي تتئلب مع اللبن وصحه شباب   |
|||||
|
|
|
13-11-2011, 11:30 PM
|
رقم المشاركة : 4 | |||||
|
رد: مطبخ عـُلا
المنسف   متل الصورة : بنغسل لحمة الخروف بالمي بعدين بالخل والليمون كويس بعدين بالماء .. بتغلي وئشط كل الؤصص السودا اللي بتطلع فوء من دسم اللحمه استغفر الله تنئشط كلياتها تماما ..  بنحضر في الصحن : ملح مع ورأ غار وؤرنفلات وهيل مطحون وعادي وئرفة ونعنع منشف او عادي ، فلفل حار ، بهار مشكلة مع فلفل اسود وايضا ماجي ، بصلة ، هادا كلو تيغطي ع الزفر استغفر الله ، بنخليها تنسلئ تماما .. بننشلهاوبالمصفاي المي تتصفى استعدادا للجميد ..   الرز مصري : عليه ملح ، نئعو شي تلت ساعه ، غسلو اربع مرات تيروح لونو الابيض ويصبح شفاف معلئتين سمنة .. بتدوب بنكب الرز والملح وبنئلب ، بعدين المي بس يغلي بنوطيه تيستوي  الجميد الكسيح .. وان جميد عادي ، الرايب بنخلطو بالخلاط بندون اضافات .. طبعا لؤدام المكسرات وزغيره ملعئة ملح ليمون آخر غلوة الجميد   بنفضي الجميد ، تحريك طبعا دائم ، ثم مية اللحمة ، عالنار بنضيف اللبن شوي شوي ونحنا بنحرك برضو ، بيسير عنا ئالب واحد بنحط ملح ليمون ، بيغلى تمام بنسئطها اللحمه بيغلو شوي وبنئيمها عشان لا تدوب كمان مره بنصفي اللبنات ،  حبتين شراك منزوعات الأطراف خخخخ شنهن بيسياطة الاطراف والمنسف بالمره ابدا لأ مو نائصو لياطه مهو مليط من دار اهلو .. بنحط ينئعن باللبن بس تينشف شوي .. بنوزع كويس الرز بالشوكة .. توضع اللحمة بالوسط ثم نقوم بوضع المكسرات ، وبــــس صحتين  |
|||||
|
|
|
13-11-2011, 11:33 PM
|
رقم المشاركة : 5 | |||||
|
رد: مطبخ عـُلا
كبسة الربيان  البصله بتحمريها بميتها لا تحطي لا زيت ولا سمن وئلبيها تتحمر بعدين معلئة السمنه  بتحطي الفلفل الحار والحلو وبتئلبي .. بعدين التوم المبروش بعدين اللومي والبهار والورأ الغار وكلياتو يعني  بتحطي الربيان بس ريحتهم مممممم تعبأ وبتئلبي بس خمس دئايئ ياخدو بعض بتحطي رب البندورة والزعفران المنئوع  هلا البندورة والماجي بعد هدلاك بعدين شوفي هالخطوه امي بتعملهاش ولا اي حد بعرفو ، انا بفضل انو تصفي المي تماما للرز ومن الخلطة تنشلي الورا الغار والئرفة والؤرنفول والهيل بلاهم مع الرز انو بتعرفي حراء طعمهم بيسير ..  بحط الرز ياخود اللون والطعم بكون فردت الخلطه المصفية بالطنجره الرئيسه وحمرتها ونشفتها بدلؤ الرز عليها وبطبخو عادي كنو مئلوبة ،  __________________  |
|||||
|
|
|
13-11-2011, 11:35 PM
|
رقم المشاركة : 6 | |||||
|
رد: مطبخ عـُلا
بطاطا محشية  مقاديرها مبينة بطاطا زغيرة لحمة رز خضار مشكل ( بازيلا وجزر ) بندورة وكم شغله تانيه هلا ببينو بالطريقة  بتصفي اللحمة المفرومة خشن ميتها ، بنحمر البصلة وبنبدا نضيف عليها تدريجيا الفلفل بنوعيه ،  التوم ، البهارات والملح البندورة والبئدونس والصنوبر . جهزت الحشوة  اليخني مبينة لازم نحكي بندورة ، فلفل ، توم ، ملح وبهار ، ماجي ، بصلة زغيرونة ، رب البندورة وتخففوهاش بمي خلص اليخني  بنحفر البطاطا وبنحتفظ بالراس تنسكرها بعد الحشو وخلوها الحشوة تكبوهاش حرام بعدين بحكيلكم شو تعملو فيها وبنحشي هالبوتيتووز وبنسكر تمها  بنئلي البطاطا بالزيت ، وبنصفيها .. بنحطها بالصينية وبنحط عليها اليخني بعد ما غلي بنخليهن يطبخن ويلعبن سوى سوى بالفرن نصف ساعة ثم تحمر عشر دئايئ خلص ؟  الرز مبين كمان غسيل وونئع وئلي وسلئ وآخر آخر اشي بنضيف عليه الخضار اللي سلئناها عجنب وملحناها اساسا  ،  الحشوة هاللي شلناها لشو تنكب بالله بصلة ، وبهارات ، وبندورة ، وان زاد حشوة من اللحمة تنئلى بزيت بتشهي بتطلع لفطور ولا عشا ولا غدا حتن  شفتو كيف  |
|||||
|
|
|
14-11-2011, 12:09 AM
|
رقم المشاركة : 7 | |||||
|
رد: مطبخ عـُلا
أهلا بك علا وشكرا لتلبيتك الدعوة تسلم الأيادي يا ست علا الظاهر انه أبو الأولاد محظوظ جدا فيك على كل أنا من المتابعات الآن وأتمنى أن تستمر هذه الزاوية بالظهور ليكون لها محل ثابت في منتدى الأسرة والمرأة والطفل حياك الله مرة أخرى وجهودك مشكورة عزيزتي لي عودة إن شاء الله |
|||||
|
|
|
14-11-2011, 12:51 AM
|
رقم المشاركة : 8 | |||||
|
رد: مطبخ عـُلا
حاضرين للحلوين يا اميمة وخيرك سابئ انتِ  المقادير : كاسة عدس بني عجينة معكرونة مقطعة بشكل طولي ( وفيكي تعمالي العجينة بالبيت ، طحين وماء ونتفت ملح ، ترتاح وتلفيها دائري وتتئطع طولي بشكل حلقات زغيرة ) بس لشو رخيصه وكويسه من السوء بصل ملعقة سمن ماجي ، بهارات مشكلة ، ملح . الصوص : عبارة عن بندورة ، ليمون ، بصل ، توم ، فلفل حار وبارد ، زيت زيتون . الطريقة :  بنغسل العدس وبنخليه ليغلي على النار بعدينا بنضيف عليه الماجي والبهارات والملح .  نقوم بسلق العجين كما نسلق المعكرونة ، باضافة الزيت والفلفل الأسود والملح عليها وان بدك ماجي عادي بس ما هو كتير حيسير ! ، بنصفيها بعد ما تستوي من ميتها  لتحضير الصوص بنحط بألب الخلاط المقادير متل في الصورة في ، بعدين بنخليها لتغلي على النار غلوتين وبتتئدم باردة .  البصل حمريه بلا سمن ، تياخوذ اللون الأشقر ، بعدين بنضيفلو زيت الزيتون او السمنة وبنحركو شوي ، ونزيل الكمية الأكبر للتزين في صحن جانبي ..  بس يسير العدس جاهز ، بنصفيه محتفظين بماءه على جنب للطبخ . بنئلّب العدس مع البصل ثم نضيف العجينة ونخلطهم ع الهدا تما نفغصها للعجينة . بعدين بنضيف ماء العدس المغلية عليهم ، وبنضيف الماء حسب الحاجة مو سبهلله تقدير العين يعني . تنشف جيدا وتقدم مزينة بالبصل والصوص وخبز واللي بدكو ياه خخخخخخخخخخخ . وصحتين وعافية .  |
|||||
|
|
|
14-11-2011, 01:01 PM
|
رقم المشاركة : 9 | |||||
|
رد: مطبخ عـُلا
أوزي عطرئيتي  المقادير : دجاج رز بنجابي بازيلا وجزر بصل ، ثوم ، فلفل حار وبارد ، ورق الغار ، نعنع ، قرنفل ، قرفة ، ريحان ماجي ، ملح لومي ، بندورة سماق لوز وصنوبر زيت زيتون الطريقة :  نبدأ بتنظيف الدجاج وتئطيعه كالعادة ثم بننئعو بالليمون والخل وبنرجع نغسله بنحطه ع النار ليغلي ثم وبعد ازالة ما يظهر على سطحه من زفر بنحط خلطة ماء الدجاج : ملح وبهارات وبصل وفلفل وبندورة ولومي وقرفة ... بس بيستوي بنئيم الدجاج من هالميات وبنصفيها لطبخ الأرز  بنئلي بصله وبنحط عليها بشويش : ثوم فلفل حار وبارد بازيلا وجزر بندورة وبعدين يا حلوين بنملحها وبنبهر وبنتركها تتستوي نضيف الأرز عليها ثم ماء الدجاج ونتركه حتى يغلي ثم على نار هادئة حتى يجهز خلص الدجاج :  على النار مع زيت الزيتون بنئلب بصلة وثوم وفلفل نملح ونبهر ونضع كمية كافية من السماق نقلب الدجاج معها ثم نضعها بالفرن للشواء وللتزيين لوز وصنوبر تقدم مع اي نوع من السلطات هون مع الفتوش  صحتين وعافية |
|||||
|
|
|
14-11-2011, 06:59 PM
|
رقم المشاركة : 10 | |||||
|
رد: مطبخ عـُلا
مسا الورد ورائحة الطبيخ الزاكي |
|||||
|
|
|
15-11-2011, 01:12 AM
|
رقم المشاركة : 11 | ||||||
|
رد: مطبخ عـُلا
اقتباس:
يسلمك ويرضا عنك كلك لطف بعض مما عندكم مأكده الله يجبر خاطرك هي نعم صحيح زاتها حراء ؤصبعو نحنا بنسميها رشتاي حموده حصتي يعني ؟ شنو انا على فكره باكلش وبحبش طبيخي !! بحوب ينطبخلي ع الجاهز تاكول ! لكن الرشتا بالزات ان عملتها انا او امي ، باكول صحن لحالي شئفه وحده ولا بيهمني ! عرفينا ع حموده شكلنا حنتفئ  يسعدك واهلا فيكي متى ما بدك جهودك مباركه يا سلمى يسعد مساها |
||||||
|
|
|
15-11-2011, 01:14 AM
|
رقم المشاركة : 12 | |||||
|
رد: مطبخ عـُلا
الملوخية  المقادير : ملوخية دجاج أو لحم ... أرز + شعيرية ملح ، بهارات مشكلة ، فلفل اسود ، قرنفل ، هيل ، قرفة ، ورق غار ونعنع ، بندورة ، فلفل حار وحلو ، ماجي بصل + توم زيت زيتون + سمن ليمون  تحضير الملوخية ، بنلئط هالورئات .. ثم غسلها جيدا تقريبا سبع مرات وتنشيفها وفرمها بدرجة النعومة المرغوبة  نقطع الدجاج .. ننظفه بالماء والطحين ثم ننقعه بالليمون والخل ونسلقه بالماء انا زهئت تكرار طريئت عملو هالدجاج والله ونضيف عليه خلطة الدجاج من بهارات وملح وماجي وبصل وبندوره وفلفل وهيل وورق غار ....الخ ثم نقوم بتصفية الماء من اجل استخدامه للملوخية  نضع الملوخية بطنجرة الطبخ ونضيف ماء الدجاج حسب الكمية حتى تغلي ونزيل الرغوة ثم نقلي الثوم ونضيفه ، ونضيف الدجاج تطبخ على النار قليلا وتكون جاهزة  الأرز بالشعيرية كالمعتاد : يغسل وينقع بماء ساخن وقليل ملح ثم يصفى ونقلب الشعيرية بالسمن ثم نقلي معها الأرز ونضيف الماء حتى يغلي ثم يوضع على نار هادئة حتى يتنضج تماما وصحتين وعافية |
|||||
|
|
|
«
الموضوع السابق
|
الموضوع التالي
»
العرض العادي
|
|
الساعة الآن 11:32 PM.