مطبخ عـُلا

[أميمة وليد]

أنا فكرت علا رجعتلنا بطبخة جديدة

طلع الطبيخ عالباش مهندس وليد

لا ومو أي طبيخ

مقلوبة

ويا عيني عالمقلوبة

والله شكلها حلو بس أنا كمان ما تعرفت عاللي حواليها

بس معها علا حق تزعل من الرابط

يعني شفلك مكان تاني حطه ،، مش هيك عينك عينك !

الله يسامحك بس

ويعينك على زعل الخلايلة

[م. وليد كمال الخضري]

سلام عليكم اختي علا

اول حاجة انا اقلك قصة الملف هادا وانا بدور في الايميل تبعي لاقيت ايميل قديم فيه ملف بوربوينت فيه معجنات لمنال العالم والشيف المصري نسيت اسمه فحولته لبي دي اف لانه بوربوينت وحاولت اني احمله على المنتدى قال حجمه كبير حملته على الموقع هادا وحطيت الرابط ولما شيكت عليه فعلا مش راضي يشتغل لازم اشوف اله حل ما تقلقي وهاي رابط

http://arabsh.com/files/0b32454b62/moajanat-rar.html

تاني حاجة مين جاب سيرة المعجنات الي بتعمليها او داس على طرفها وهيا شكلها حلو يس الملف فيه 66 وصفة وانتي ما نزلتي غير وصفة وحدة بعدين انتي شكلك بدوري على حجة علشان ما تقدمي النا اي وصفات جديدة وخصوصا المعجنات انا قلت افيد الستات في المنتدى الحق عليا انا غلطان انا شو الي دخلني في الطبيخ مع اني لسا امبارح طابخ تايلاندي واول مرة احط عليه فلفل احمر مطحون وماعجب مراتي بس جبرت بخاطري واكلت معي

[عُلا الياس]

طيب ست أميمه وهاي طبخه جديده
بس منشان الله طلعي الخلايله من راسك خلص لانك حكيتي هيك بديش خانئو عاد كنت بدي ضل عامله حالي زعلانه
اليوم اجا ع بالي فريكه انا بحبها
وبالبيت ما بحبوها فعملت الهم سندويشات دجاج لكن مفبرك يعني عالماشي تسليكة
باش مهندس وليـــد عما بمزح معاك بالعكس حلو هالموضوع يضل عايش بمشاركات من عندكم فيا ريت تكتر النا من صور طبخاتك
شكرا كتير كلك لطف
النت عندي بطيئ من الصبح اول ما يتحسن حشوف الرابط
شكرا الك ويسعد مساك
يلا هيها :

،

فريكة ودجاج ابصار شو !

،
ئبل بيوم كالعادة جهزت الدجاج
غزلتو ونئعتو بخل وليمون ، غسلتو تاني وئطّعت منو مربعات للفريكة
ومطاول للسندويشات
المربعات للفريكه حطيت عليهم : زيت زيتون .. ملح وبهارات وفلفل اسود
المطاول للسندويشات : نفس اللي فوء لكن زدت عليه كاتشب ولبن وليمون وخل .

،
تاني يوم اللي هو اليوم يعني
طلتهم وفرمت بصل مطاول وبندورة وفلفل حلو مطاول وئلبتهم زيت زتون .
الفريكة ئلبت بصل مربعات بسمنة شوي

،
غسلت الفريكة ونئعتها بمي سخنه وملح
خليت الدجاج يستوي مع البصل
ثم الفريكة بعد ما استوى
حطيت مي جاج عندي من ئبل
ان ما عنا بنحط مي مملحه ومبهره وفيها مكعب ماجي

،
تتئلى الجاج واستوى تماما ونشف ميتو شويتو شوي بالفرن
وعملت سندويشات كنها شاورما

صحتين

[م. وليد كمال الخضري]

والله اختي علا الوجبة هادي قريبة من التايلاندي الا انا بعملها هية وجبة سهلة وما بتاخد وقت بس انا بستخدم فيها خل التفاح الطبيعي الي بيعمل الها نكهة خاصة واحيانة فلفل احمر مطحون انا جبته من غزة انصحك باستخدام خل التفاح بعد كسره بالماء في وجبات الطعام واقصد خل التفاح الطبيعي فقط وليس الكيميائي والاكلة شكلها حلوة ونضيفة هادا الفرق بين شغل الستات والرجالة انا زوجتي بتكره اليوم الي بخش فيه المطبخ هههههههههههههه

[عُلا الياس]

المشاركة الأصلية كتبت بواسطة م. وليد كمال الخضري

والله اختي علا الوجبة هادي قريبة من التايلاندي الا انا بعملها هية وجبة سهلة وما بتاخد وقت بس انا بستخدم فيها خل التفاح الطبيعي الي بيعمل الها نكهة خاصة واحيانة فلفل احمر مطحون انا جبته من غزة انصحك باستخدام خل التفاح بعد كسره بالماء في وجبات الطعام واقصد خل التفاح الطبيعي فقط وليس الكيميائي والاكلة شكلها حلوة ونضيفة هادا الفرق بين شغل الستات والرجالة انا زوجتي بتكره اليوم الي بخش فيه المطبخ هههههههههههههه

آر يو سبيك عارابيك !
آل تايلاندي !!
فريكه يا خوي مننا وفيننا !
والدجاج افرم اشوي عادي !
صباحك ابتسامه ومعده جعانه .. ريّلت عصحن فريكه بنشبعش منها !
بحط خل ابيض والله اول مره بخطر ببالي التفاح ! رح جرب واحكيلك النتيجة والفلفل المطحون الغزّي معروف !
نتفه وبيولع راسك عادي ! الله يرحمك يابا سار موقف مره ما ححكيه بس انو بعرف عن شو بتحكي خخخخخخخخخخخخخخخ !
بالنسبه لزوجتك الكريمة فالله يعينها ! بفهم تماما مشاعرها بلا نيله فنجان ئهوه بتئلبو المطبخ ئلابه !
وبدي احكيلك صورلنا طبخات خايفه زوجتك ربي يحفظها ، تدعي ع اللي كان السبب
شكرا الك كلك لطف وترقب طبخه قريبا

[م. وليد كمال الخضري]

اختي علا
بالنسبة للتايلاندي هادي وجبة مشهورة في غزة والها محلات كمان زي الشاورما بعدين بتختلف شوية عن فريكة الابصر شو. بالنسبة للخل الابيض هو خل كيميائي ضار جدا للمعدة استخدمي اي خل طبيعي ويفضل خل التفاح الطبيعي لانه ورد ذكره في حديث للرسول عليه الصلاة والسلام" خير الادام الخل" وكان يقصد خل التفاح

ان شاء الله بحاول اخش المطبخ واعمل اكلة التايلندي واصورها بس مستني التصريح هههههههههه

[عُلا الياس]

م. وليد استخدمت هالمره مع الدجاج بالفرن خل التفاح ، بجد اعطى طعم زاكي !
يسلموا ئديك للارشاد الطيب .. كترلي افكار الله يرضى عليك شنو بحوب اجرب الؤصص الحلوه
بعدين الفريكه الابصار شو ؟ بتتمئلت علي مو ؟!
عموما الله يسهل على اللي منزل موضوع بيحكي فيه مكونات الطبخه : مدئه .. وعاء للدأ ولمن نجمعهن بسيرن مدئه ووعاء دأ !!! بتعرفوا مو ؟!!
يسعد صباحك .. وهاي طبخة سبانخ
منشان خيو عبد الكريم قاسم يهد علي المنتدى
لا وبحوب ابشرو زاد سبانخ معي حعملو معجنات بلكي بكره نشالله وانزل برضو
عمروا ما حد حوش !
حاسه بشلوط من فلسطين لهون وصل !
ولا بيهمنا احنا عادي
~~~~

سبانخ + رز ودجاج مشوي

المقادير
سبانخ ، حمص ، لحمة
بندورة ، فلفل حار وبارد ،
بصل .. توم
ليمون .. خل
بهارات وملح ومكعب ماجي
رز ، شعيرية
سمنة ، زيت زيتون
خلطة الدجاج : بندورة وتوم وبصل مبروشات ، ريحان ناشف ، ماجي ، فلفل وبهارات ، ليمون وخل تفاح ، كاتشب ولبن ، زيت زيتون .
الطريقة

بنلئط السبانخ !
آل بنلئط السبانخ لا بنحطهن متل ما همو .. أهلين !!
المهوم وبنفرمهن ومو ضروري ناعم لان السبانخ بدوب وبيكش
بنصفيهن بعد ما تطلع روحنا واحنا بنغسل فيهن بي شو بحتاجن مي ووئت لينضفن !

اللحمة بنغسلها ، وبنئلّب بصلة محرزة بالسمنة مع فلفل حار وبارد مفرومات ناعم
بنبهر وبنملح وبنخلي اللحمة تستوي ان احتاجت مي بنحط تتسوتي مزبوط

السبانخ هلا ،
بنئلب بصلة بالسمنة برضو
بنحط حمص مستوي وبندوره وبنملح وبنبهر وبنبدا نحط تدريجي كمية السبانخ
لو في على اللحمه مي بنحطها او مي جاج او مي مبهره ومملحه عادية وما نكتر لان السبانخ بنزل مي منو لحالو اساسا كتير
وبس اللحمة بتستوي بنحطها فوء السبانخ بغلو خمس دئايئ وهيك جهزت الشوربة .

الدجاج المشوي بالفرن ،
بنبرش البندورة والبصل والتوم
وبنحط الخلطه المذكوره بالمقادير
وبننئع الجاج فيها من ئبل بيوم
تاني يوم بنحطها بالفرن ساعة ونص وبنشويها وبس .

الرز عادي متل اي رز !
بنغسلو بننئعو وبنئلب شعيريه بالسمنة
وبنحط الرز بنئلبو وبنملح طبعا
بنحط المي
وعنار هاديه بعد ما يغلي تيستوي .

صحتين وعافية

[عبدالسلام حمزة]

ما شاء الله , مجهود رائع , تسلم أيديك يا علا
أنا من رأي تفتحي لك مطبخ , زي ( منال العالم )
ونعمل المشروع شراكة .

[عُلا الياس]

المشاركة الأصلية كتبت بواسطة عبدالسلام حمزة

ما شاء الله , مجهود رائع , تسلم أيديك يا علا
أنا من رأي تفتحي لك مطبخ , زي ( منال العالم )
ونعمل المشروع شراكة .

يبارك فيك يا عبد السلام ، اشكرك من لطفك بس.
منال بتحوب الطبيخ .. أنا لو يصحلي لا اطبخ ولا وئف بالبيت بئصرش
بطبخ لان لازم اطبخ يعني فيك تعتبرها واجب مو متعة يعني بالنسبالي ، هادا أولا
تانيه موافئه بشاركك بشرط :
إنت تشتري الأغراض والجلي عليك برضو والفايري يعني كمان عليك ، والتوزيع والاعلان كلو ع حسابك طبعا .
واشتري كتاب منال وتعلم اطبخ بالمره .. بيكون رائع هيك لوز الوضع
أنا بشاركك اني باكول + اي اشي مصاري بيجي كربح يعني باخود نصيبي !
هيك الشراكه ولا بلا ،الشبيحه علا الياس

[عبدالكريم قاسم]

المشاركة الأصلية كتبت بواسطة عُلا الياس

م. وليد استخدمت هالمره مع الدجاج بالفرن خل التفاح ، بجد اعطى طعم زاكي !
يسلموا ئديك للارشاد الطيب .. كترلي افكار الله يرضى عليك شنو بحوب اجرب الؤصص الحلوه
بعدين الفريكه الابصار شو ؟ بتتمئلت علي مو ؟!
عموما الله يسهل على اللي منزل موضوع بيحكي فيه مكونات الطبخه : مدئه .. وعاء للدأ ولمن نجمعهن بسيرن مدئه ووعاء دأ !!! بتعرفوا مو ؟!!
يسعد صباحك .. وهاي طبخة سبانخ
منشان خيو عبد الكريم قاسم يهد علي المنتدى
لا وبحوب ابشرو زاد سبانخ معي حعملو معجنات بلكي بكره نشالله وانزل برضو
عمروا ما حد حوش !
حاسه بشلوط من فلسطين لهون وصل !
ولا بيهمنا احنا عادي
~~~~

سبانخ + رز ودجاج مشوي

المقادير
سبانخ ، حمص ، لحمة
بندورة ، فلفل حار وبارد ،
بصل .. توم
ليمون .. خل
بهارات وملح ومكعب ماجي
رز ، شعيرية
سمنة ، زيت زيتون
خلطة الدجاج : بندورة وتوم وبصل مبروشات ، ريحان ناشف ، ماجي ، فلفل وبهارات ، ليمون وخل تفاح ، كاتشب ولبن ، زيت زيتون .
الطريقة

بنلئط السبانخ !
آل بنلئط السبانخ لا بنحطهن متل ما همو .. أهلين !!
المهوم وبنفرمهن ومو ضروري ناعم لان السبانخ بدوب وبيكش
بنصفيهن بعد ما تطلع روحنا واحنا بنغسل فيهن بي شو بحتاجن مي ووئت لينضفن !

اللحمة بنغسلها ، وبنئلّب بصلة محرزة بالسمنة مع فلفل حار وبارد مفرومات ناعم
بنبهر وبنملح وبنخلي اللحمة تستوي ان احتاجت مي بنحط تتسوتي مزبوط

السبانخ هلا ،
بنئلب بصلة بالسمنة برضو
بنحط حمص مستوي وبندوره وبنملح وبنبهر وبنبدا نحط تدريجي كمية السبانخ
لو في على اللحمه مي بنحطها او مي جاج او مي مبهره ومملحه عادية وما نكتر لان السبانخ بنزل مي منو لحالو اساسا كتير
وبس اللحمة بتستوي بنحطها فوء السبانخ بغلو خمس دئايئ وهيك جهزت الشوربة .

الدجاج المشوي بالفرن ،
بنبرش البندورة والبصل والتوم
وبنحط الخلطه المذكوره بالمقادير
وبننئع الجاج فيها من ئبل بيوم
تاني يوم بنحطها بالفرن ساعة ونص وبنشويها وبس .

الرز عادي متل اي رز !
بنغسلو بننئعو وبنئلب شعيريه بالسمنة
وبنحط الرز بنئلبو وبنملح طبعا
بنحط المي
وعنار هاديه بعد ما يغلي تيستوي .

صحتين وعافية

بس لو ما في سبانخ بالموضوع لا اعرف ما يحدث عندما ينطق هذا الاسم معدتي تهدر وتزمجر وتصدر اصوات الرعد والبرق وتتلوى مثل افعى ضربت على راسها فيستجيب المريء والحنجرة والبلعوم فيغلق الفم ويشمع بالاحمر مدة اربع ايام مع لياليها فتتيبس شفتاي فتصتق اسناني حتى لا تكاد تنفرج بكل الطرق
دورولنا على طبخة غير هاي يا جماعة طبعا انا بعرف ان الكثير يحب السبانخ معلش يا اخوان تحملونا هاض شعوري تجاه هذه الاكلة
صحتين وعافية لكل من يحب السبانخ والله يكون بعون الي نا بحب السبانخ واهله ما بحبوه طبعا انا حتى مع الحمص والعسل والبصل والباذنجان والسكر واللوز والفستق الحلبي والكاشو مش رح اكون على علاقة جيدة مع هذا الصنف
صحتين والف عافية على قلوبكم وهذا الاكل الرائع يستحق الافواه لكم التحية ولك اختي علا ولا يمكن نرسل شلاليط من فلسطين نرسل لك كل التحايا وسلامي للجميع

[عُلا الياس]

المشاركة الأصلية كتبت بواسطة عبدالكريم قاسم

بس لو ما في سبانخ بالموضوع لا اعرف ما يحدث عندما ينطق هذا الاسم معدتي تهدر وتزمجر وتصدر اصوات الرعد والبرق وتتلوى مثل افعى ضربت على راسها فيستجيب المريء والحنجرة والبلعوم فيغلق الفم ويشمع بالاحمر مدة اربع ايام مع لياليها فتتيبس شفتاي فتصتق اسناني حتى لا تكاد تنفرج بكل الطرق
دورولنا على طبخة غير هاي يا جماعة طبعا انا بعرف ان الكثير يحب السبانخ معلش يا اخوان تحملونا هاض شعوري تجاه هذه الاكلة
صحتين وعافية لكل من يحب السبانخ والله يكون بعون الي نا بحب السبانخ واهله ما بحبوه طبعا انا حتى مع الحمص والعسل والبصل والباذنجان والسكر واللوز والفستق الحلبي والكاشو مش رح اكون على علاقة جيدة مع هذا الصنف
صحتين والف عافية على قلوبكم وهذا الاكل الرائع يستحق الافواه لكم التحية ولك اختي علا ولا يمكن نرسل شلاليط من فلسطين نرسل لك كل التحايا وسلامي للجميع

الله يجزاك الخير ع هالجمله حششت !
بعدين بجد بتعاني منو واضح هههههه ! عاد كويس !!
آل لا يمكن نرسلك شلاليط من فلسطين
لا شكرا عنجد هههههه !
هلا حتقد علي بس يلا كلو فداء للسبانخات !
اللي زاد عملتو معجنات
الله يرضى عنك ويرضيك يا عبد شو طيب وابن ناس كمان عرفوا يربو بجد
مسا السبانخ !
،

،

،

[عبدالكريم قاسم]

المشاركة الأصلية كتبت بواسطة عُلا الياس

الله يجزاك الخير ع هالجمله حششت !
بعدين بجد بتعاني منو واضح هههههه ! عاد كويس !!
آل لا يمكن نرسلك شلاليط من فلسطين
لا شكرا عنجد هههههه !
هلا حتقد علي بس يلا كلو فداء للسبانخات !
اللي زاد عملتو معجنات
الله يرضى عنك ويرضيك يا عبد شو طيب وابن ناس كمان عرفوا يربو بجد
مسا السبانخ !
،

،

،

شكرا اختي علا على الكلام الجميل وهذا الاكل اللذيد سبحان الذي حرمني منه ما اشهى منظره وما ابدع صنعه . اكيد اختي ام عمر لها نفس طيب بالاكل ولولا ذاك ما رأينا هذه الابداعات . نعست تصبحين على خير