وحشتينا يا أميمة ، بتتغلي علينا يا أم معاااذ .
الكل هنا وحشني ، على سيرة معاذ عندنا ولد جارتنا اسم ولدها معاذ ، كان يجي عندي زمان واذاكر له انجليزي والنحو واكتبله مواضيع الانشاء الآن ماشاء الله كبر وصار رجل بشوية شوانب ، كان عندي مشوار بسيط جنب البيت وطلبت من امه لو كان بيسوق ولدها السيارة أو كبر بما يكفي لسياقة السيارة يوصلني .. فوافقت
ولما نزلت من سيارته وهو مازال في نظري نفس الولد الصغير معاااذ اللي كان يجي يطرح عليا أسئلة طفولية بريئة دعيتله وقلت : ( الله يوفقك ياولدي ويفتح عليك أبواب الخير من أوسعها ) .
قال لي وضحكني : ( لا قولي الله يجوزك ويرزقك بعروسة ، قلتلله طيب الله يرزقك عروسة حلوة وطعمة زي خالتك رحول ) وصار يقول : آآآآآآآآآآآمين ، آآآآآآآمين ..
بطريقة جعلتني أضحك كثيرا ، وأتيقن أن الولد الصغير معاذ لم يعد صغيرا ، وليس بالإمكان أن أتضاحك معه كما في السابق ..
حكيت القصة لأمه : وصارت تضحك وضحكنا كثيرا على أطفال الأمس الذين غدوا رجالا . أو بالأصح رجيل صغير
وأنا أقترح بالنسبة فيما لو خليتوا هناك جزء تاني زي المسلسلات العربية حقت الفضائيات لحكي نسوان ( تحذفوا عبارة ( ممنوع دخول الرجال ) العبارة اللي جابتلنا أم المشاكل وخلت الزاوية مرغوبة أكثر من قبل الرجال فكل ممنوع مرغوب ..
حبي ومودتي للجميع ..