[إبراهيم محمد شلبي]

يا ظريف الطول وْيَا وجه القمر = حبّك في القَلِب علمني السهر
ونهيت القَلِب لكن ما اعتبر = ونهيت القلب لكن ما اعتبر
يا ظريف الطول لا تزيد الأسى = منطّرني عالعين، صابر للمسا
لا ارتاح الفؤاد ولا حبك نَسى = لا ارتاح الفؤاد ولا حبك نسى
يا ظريف الطول يا كحيل العين = يا ريحة بخّور معطّر بنسرين
يا زهر نابت عسياج الياسمين = يا زهر نابت عسياج الياسمين
يا ظريف الطول يا أسمر حلو = مبسمك يا زين هلال بأوّلو
يسلملي هالطول وقدّك مَ اجملو = يسلملي هالطول وقدّك مَ اجملو
يا ظريف الطول وشفافك عسل = وريقك مْحَلّى ومن شهد انعمل
بْبوسه من تمّك بيطول الأجل = ببوسه من تمك بيطول الأجل